Am Wochaende guck i emmr wieder mol vorbei
Sag hallo zum Werksschutz ond zur Polizei
I frog mi warom komm i denn emmr wieder z’ruck?
Weil do a Stemm en meim Ohr sait: Lass blos et luck

Wenn d’Kühltürm dampfad klemprat auf dr oina Seite s’Geld
Auf dr andra macht ma Müll der vergiftat onsra Welt
Ihr werat reich ond land da Dreck für andere z’ruck
Doch passat auf – mir land et Luck

Z’Afrika holt ma s’Uran aus am Boda raus
Ond henterlost an Dreck des helsch em Kopf it aus
Ma glaubt ma wär wieder en dr Kolonialzeit z’ruck
Drom liabe Leit – land blos et luck

En Gundremminga isch alles saubr, ma sieht koi bißle Dreck
Denn do wo dr Dreck isch, des isch alles ganz weit weg
En Afrika ond Sellafield, do lammr s’Chaos z’ruck
Drom liabe Leit – land blos et luck

Mit uirer Arroganz ond uiram haufa Geld
Glaubat ihr wahrscheinlich uich k’hört d’Welt
Doch ihr guckat au blos neidisch, wenn i mei Mädle druck
Ond glaubat mir, Dui lot et luck

Für 60 – 70 Johr machat ihr Energie
Fossil mit AKW – ihr hand koi Phantasie
Ihr plündrat d’Welt aus ond land nix meh z’ruck
Doch glaubat uns – mir land et luck

Wenn ihr fertig send isch d’Welt leer ond versaut
Alla Zukunft hand ihr doch verbaut
Auf uich guckat ma volla Zora z’ruck
Ond wega dem – land mir et luck

Doch wenn mir g’schaffa hand was mir schaffa wand
Blüht mit Sonna Wasser Wend s’ganze Land
Des goht scho Vorwärts jeden Tag got a Stuck
Des kiragat mir scho na – denn mir land et luck

Copyright 2020 by Tom Wolf