He Schatz schtand auf, dr Tag bricht a
He Schatz schtand auf, sogar d´Sonne scheint
He Schatz schtand auf, des wird an scheanr Tag
für uns zwoi

Au wenn mir heut Nacht no g´frora hand
Goht jetzt an warmer Wend übers Land
D´Sonne goht auf ond isch rot wia Gluat
ond des mach mir Mut

Außer uns send ersch par Vögel wach
Die zwitschrat no ganz zaghaft in dr Esche und auf am Dach
Der Hemmel isch weit irgendwo schwätzt a Star
Ond d’Luft isch klar

He Schatz schtand auf….

Mir gand an See ond zihat uns aus
Dr Nebel wabert überm Wasser und sieht wie Watte aus
An Reiher stoht em Schilf – breitet d’Flügel aus
Fliagt auf d’Wiesa naus

Om so a Zeit hot d’Welt no a ganz unschuldiges G’sicht
Klar und Still en ma ganz woicha Licht
Ond wenn d’Welt heut aufwacht send mir it dabei
Denn heut mach mer frei

He Schatz schtand auf, …

Copyright 2020 by Tom Wolf