Vielleicht isch’s blos Flemmra en dr hoisa Luft
Vielleicht erinnert mi au was an Dein Duft
I woiß it was es isch, doch so was wird’s wohl sei
Denn warum fällsch mir Du grad ei

Des isch für mi koi Frog von Ja ond noi
Du woisch es gibt für Di koin Platz bei mir daheim
Doch i probiers it zum verleugna, ond i will ehrlich sei
Du fällsch mir grad scho recht oft ei

I be ganz Duchrcheinander, ond i woiß it was i will
Wo treibsch di rom, I denk an Di viel z’viel
Es isch mir gleich wo’d morga aufwachsch, i sag’s Dir glei
Ond trotzdem fällsch mir grad scho recht oft ei

Wenn’d morga aufwachsch, guck di gnau em Spiegel a
I bei it bei Dir, Du bisch bei ma andra Ma
Mi dät blos intressiera ob Du Di so deutlich siehsch
Wia der für den Du blos a Traumbild bisch

Copyright 2020 by Tom Wolf